Skip to content
22/06/2010 / kjersti70

HbA1C og året på skulen

Det er lenge sidan forrige innlegg, men vi heng nå med i svingane utanfor blogglandia 🙂

I dag var det kontroll på sjukehuset. Eit langtidsmål på 7,2 er vi svært godt fornøgd med (og det var legen også). Det kunne med fordel vore enda lågare, men eg ser at det ville koste oss enda meir målingar, enda meir jobb, og føre til meir slitasje og gnag på jentungen. Sånn som ting er nå er ho fornøgd og blid, og syns at det å ha diabetes er heilt ok. Då held vi oss der og kjører løpet slik det er nå.

Mannen min (som var med henne på kontrollen), spurte om legane helst ville ha HbA1C ned mot 5 – det må jo vere ideelt helsemessig. Legen sa at dette anbefalte ein ikkje. Det er eit slit å få til, og medfører ofte stress og uro i familien. Mykje mas om mat og mål, og ein kjem lett inn i ein veldig negativ sirkel som til sjuande og sist ikkje er bra for diabetikeren.

Denne gode meldinga får vi gi tilbake til skulen og SFO. Målet har gått ned sidan forrige måling, og det vitnar om at dei tar ansvar og følger opp på ein god måte. Mykje av fortensten ligg jo hos dei! Vi føler at vi har fått til eit godt samarbeid med skule og SFO, sjølv om det går farlig fort til tider. Det største savnet frå barnehagetida er at ein får ikkje snakka saman eller enkelt gitt beskjedar. Når ungen blir henta er læraren borte. Ikkje får vi snakka med noko om morgonen heller. Etter kvart har vi løyst det med å legge lappar inn i boka som blir brukt til å skrive ned alle mål og insulindosar. Dette «rapporteringssystemet» har fungert veldig bra, og heldigvis har lærarane sjølv syns at det har vore nyttig. Eg var ei stund redd dei skulle føle det som veldig kontrollerande, men det verkar ikkje å ha vore eit problem.

Dette første året på skulen har vore utfordrande og veldig spennande. Skulen har slitt med at der har vore mange lærarar (eller tilsette på SFO) som har veksla mellom å ha klassen. Der har vore mykje sjukemeldingar og mange vikarar. Stadig nye ansikt som dukkar opp, og ingen fast person som har fulgt diabetikeren. Ho har heller ikkje hatt assistent. I klasserommet med 19 elevar (1. og 2. går saman) har det stort sett berre vore ein lærar til stades. Heldigvis har vi hatt rektor som ein raud tråd gjennom heile året. Ho måtte trø til i vinter når bemanninga var i kneståande. Då tok ho ansvar for målingar og insulindosar. Skulen har sjølv ordna opplæring til nye tilsette, og lært og fortalt vidare det som vi har lært og fortalt dei første vi møtte. Dette har faktisk fungert overraskande greit. Vi syns dei har gjort ein strålande jobb. Der har vore trong for tilbakemeldingar og justeringar her og der, men dette har vore uproblematisk. Seinast nå i starten på juni tok eg eit eige møte med SFO der vi diskuterte insulindosane – ho fekk gjerne litt for lite på ettermiddagane. Dette har ein nå justert, og blodsukkermåla er blitt betre.

Så, mot alle odds – ein fattig kommune, ingen assistent, to foreldre i full jobb, vikarar og vikar for vikaren – så har mestringa av diabetes gått bra. Eg er sikker på at det skuldast ein god dialog i forkant av skulestart, samt at ho er omkransa av gode, ansvarsbevisste voksne.  Jo, og la meg legge til at maten har vore viktig også. Gode matpakkar som gir moderat blodsukkerstiging, og jamn fordeling, betyr mykje!

Advertisements

2 kommentarar

Kommenter innlegget
  1. line / Jun 24 2010 08:37

    gratulerer med 7,2! kjempebra!
    godt å høre at det har gått fint med diabetes i skolen også, tiltross for utfordringene 🙂

  2. Ragnhild / Jun 25 2010 15:53

    Takk for triveleg helsing på bloggen min! Eg har sjølv både diabetes (sidan 1995) og cøliaki (sidan 2005), så det var interessant å finna bloggen din! Artig å lesa om andre i ca. same situasjon, sjølv om eg fekk diagnosane i vaksen alder. Det verkar som om jenta di får super oppfølging både heime og på skulen, og inkje er jo betre enn det. Til lukke med 7.2! Alltid spanande å venta på resultatet av HbA1C …

Legg att eit svar

Fill in your details below or click an icon to log in:

WordPress.com logo

Du kommenterer no med WordPress.com-kontoen din. Logg ut / Endre )

Twitter-bilde

Du kommenterer no med Twitter-kontoen din. Logg ut / Endre )

Facebook-foto

Du kommenterer no med Facebook-kontoen din. Logg ut / Endre )

Google+ photo

Du kommenterer no med Google+-kontoen din. Logg ut / Endre )

Koplar til %s

%d bloggarar likar dette: